مەسعوود بارزانی داوای هەڵبژاردنی هاوکاتی سەرۆک و سەرۆک وەزیران لە عێرا

دوای پێنج مانگ لە هەڵبژاردنەکان، هێشتا عێراق نەیتوانیوە حکومەتی نوێ پێکبهێنێت. ئەمجارە کێبڕکێی نێوان یەکێتیی نیشتمانی و پارتی دیموکراتی کوردستان بۆ پۆستی سەرۆک کۆمار توندتر بووەتەوە. پارتی «فوئاد حوسێن»ی کاندید کردووە بۆ ئەوەی کۆتایی بە قۆرغکاریی ٢٠ ساڵەی یەکێتی بهێنێت بۆ ئەم پۆستە. ئەم دواکەوتنە کاریگەریی ڕاستەوخۆی لەسەر بودجەی هەرێمی کوردستان هەبووە و پرسە گرنگەکانی وەک دەرهاویشتەکانی جەنگی ئێران بێ چارەسەر ماونەتەوە.