شکاندنی نەخۆشی شەکرەی جۆری یەکەم لە مشکەکاندا بە ڕێژەی ١٠٠٪ سەرکەوتن،

توێژەرانی زانکۆی ستانفۆرد Stanford University نەخۆشی شەکرەی جۆری 1یان لە مشکدا چارەسەر کرد بە دروستکردنی سیستەمێکی بەرگری جێگرەوە (هەیبرید). ڕێژەی چارەسەرکردن %100 بوو بێ بەکارهێنانی دەرمانی سەرکوتکەری بەرگری بۆ هەموو تەمەن.

ئەوان دژەتەن، تیشکی کەم، و دەرمانی باریسیتینیب baricitinibیان بە مشکەکان دا بۆ ئەوەی سیستەمی بەرگرییان دووبارە ڕێکبخەنەوە. پاشان خانە بنەڕەتییەکانی خوێن و خانەکانی دوورگەی پەنکریاسیان لە بەخشەرێکەوە بۆ گواستنەوە. 19 لە کۆی 19 مشکی پێش-شەکرە پارێزراو بوون. 9 لە کۆی 9 مشکی تووشبوو بە شەکرە چارەسەر کران. سیستەمی بەرگری کیمێری (chimeric) پێکهاتووە لە خانەی بەرگری دوو سەرچاوەی جیاواز کە بە هاوسەنگی پێکەوە دەژین.